نظرة في العمق علي معمارية Cortex a72 الجديدة من ARM


قدمنا لكم شرح مصفل لمعالجات الهواتف الذكية ثم مقارنة بين معالجين سنابدرجون 615 و هيليو اكس 10 ,,
و اليوم نقدم لكم نظرة علي معمارية شركة ARM الجديدة Cortex a72 و التي ستدعم اغلابية معالجات ا
لرائدة و المتوسطة من كل الشركات .
لمشاهدة فيديو الشرح التفصيلي و قراءة المقال ( من هنا )

لمشاهدة مقارنة المعالجين و قراءة المقال ( من هنا )

الفيديو الاصلي للمقال :


و هنا تفريغ نصي للفيديو



 "- بيجي الCortex a72 من شركة ARM عشان يصحح مسار الشركة و يرجعها للتركيز علي اجهزة الموبايل .. لأن Cortex a57 مكنش موجه اكتر لسوق الموبايلات و ده اللي تسبب في ان كل التشيبات اللي تشتغل به زي السنابدرجون 810 و غيره يحصلهم مشاكل اما السخونية وحتي الشركات اللي نجحت انها تحل مشكلة السخونية قبلتها مشكلة استهلاك الطاقة بشكل كبير ..

- في النسخة دي شركة ARM ركزت انها تعمل تعديلات علي معالجها القديم عشان يشتغل بكفائة اعلي علي الموبايلات ,,,
و كان تركيز الشركة بردو انه يبقي مستهدف به انه يشتغل في التشيبات اللي بحجم 16 ل 14 نانوميتر ..

- حسب ما بتقول الشركة فهي قدرت انها تقلل استهلاك الطاقة 75% في المعالج ده عن اللي قبله ,, كمان الشركة بتقول انه المعالج ده اقوي 3.5 ضعف من معالجها اللي كان في 2014 من معالجها Cortex a15 ,,
و من الصورة دي واضح ان اداء و استهلاك الطاقة هيبقي افضل مرة و نص عن الCortex a57 و زي ما هو واضح بردو ان التحسن بين ال57 و 72 اكبر من التحسن بين 57 و 15 ..

- ده كان كلام الشركة فهل ده حقيقي ؟!
الحقيقة ان الشركة تقريبا كلامها صح بالنظر للتجربة العملية لمعمارية Cortex a72 في معالج واوي كايرن 950 اللي موجود في الميت 8 فهو حقق فعلا تحسن كبير جدا جدا في اداء البطارية بين الميت 7 و الميت 8 اللي بنفس حجم البطارية و نفس الشاشة كمان ,, التحسن تقريب بيصل فعلا ل75% و يمكن اكتر كمان ..


 
- زي ما انتوا شايفين دلوقتي دي اختبارات موقع GSMArena لهاتف ميت 7 و اللي كان المعالج بتاعه شغال باربع انوية Coretx a15 ,, و دي اختبارات ميت 8 و المعالج بتاعه شغال باربع انوية Cortex a72 ,, فرق كبير جدا !

- كمان في الاداء فالميت 8 اللي شغال بمعالج واوي الجديد اللي هو بيتكون من 4 انوية Cortex a72 مع 4 Cortex a53 للمهام الخفيفة ,, حقق علي البنشماركات لحد دلوقتي اعلي اداء ,, كمان فالبنشماركات المسربة لمعالج Snapdragon 820 اللي بيستخدم معمارية كوالكوم الخاصة اللي باسم Kryo ظهرت انه بيدي اداء اقل بفرق ملحوظ من الa72 و كمان اقل من ال Exynos 8890 و اللي المفروض هيشتغل بمعمارية a72 بردو ,,


- كمان لو ناخذ معالج سنابدرجون 650 و اللي بنشوفه في هاتف زي تشاومي نوت 3 برو و اللي ممكن تشتريه و يوصلك مصر في حدود 2200 جنيه ,, هنلاقي ان البنشماركات بتاعته تفوقت بفرق كويس علي السنابدرجون 808 و اللي لو بصينا له هنلاقي المعالجين نفس الشكل تقريب الاتنين سداس الانوية ال808 شغال بنويتين اقوية Cortex a57 و 4 للمهام الخفيفة Cortex a53 اما السناب 650 فبردو نوتين لكن Cortex a72 مع نفس الاربع انوية للمهام الخفيفة ,, و هنا يتضح لينا ان معالجين بنفس الترتيب نوتين اقوية و 4 مهام خفيفة كمان ال808 بClock Speed اعلي و Fab Size اقل و مع ذلك تفوق عليه ال650 و ده بفضل النوتين الCortex a72 ,,

- زي ما قولنا من شوية ان معمارية Cortex a72 تغلبت علي معمارية Kryo من كوالكوم حسب تسريب لبنشماركات السنابدرجون 820 ,, و دي حاجة مكنتش بتصحل قبل كدا ان معمارية كوالكوم الخاصة حد يتفوق عليها ,, و كنا دايما بنعتبر Cortex اقل من Krait القديمة بتاعت كوالكوم ,, "






Previous
Next Post »