مقارنة بين معالج سنابدرجون 615 و هيليو اكس 10 - Snapdragon 615 vs Helio x10 SoC


بعد فيديو و مقال شرح مفصل للمعالجات جاء وقت المقارنات و التطبيق العملي علي ما فهمناه من الشرح ..

فيديو المقارنة :





تفريغ للفيديو نصيا


- السنابدرجون 615 بنشوفه في موبايلات من اول 1500 لحد 3000 جنيه بينما الهيليو اكس 10 بنشوفه في مصر في الانفنكس زيرو 3 بسعر 1750 جنيه و بنشوفه بعد كدا في الاتش تي سي e9 بلس و السوني اكسبريا ام 5 و دول باكتر من ال4000 جنيه .

- بيجي السنابدرجون 615 بمعالج ثماني الانوية بمعمارية Big.Little يعني بيبقي فيه 4 انوية بتردد ممكن يوصل ل 1.7 جيجاهيرتز بمعمارية كورتكس اه 53 و بردو 4 شغالين بنفس المعمارية لكن بتردد اقل بيوصل ل1 جيجا هيرتز . 
 
- بينما الهيليو اكس 10 شغال ب8 انوية بردو لكن بتقية الTrue Octa Core يعني بيبقي 8 انوية شغالين مع بعض بتردد ممكن يوصل ل2.2 جيجاهيرتز بمعمارية كورتكس اه 53 .

المعالجين بيدعموا ال 64 بت ..

- الاتنين مبنين علي شريحة ال Fab Size بتاعها 28 نانوميتر ,,,,, الميموري في السنابدرجون 615 هي 800 ميجاهيرتز بينما الهيليو اكس 10 بميموري 933 ميجا هيرتز الاتنين DDR3 .

- من المواصافات دي بيظهر ان الهيليو اكس 10 هيدينا اداء افضل و ده بفضل ال8 انوية اللي بتردد اعلي و بتقنية True Octa Core مع نفس ال Fab Size و المعمارية و كمان ميموري اسرع بكدا الكافة تروح ناحية الهيليو اكس 10 في الاداء .

- اما عن توفير الطاقة و التعامل مع البطارية فالسنابدرجون 615 هيكون اكثر كفائة في النقطة دي بفضل تقنية Big.Little ..

- نتكلم شوية عن ال GPU ... السنابدرجون 615 بيجي ب ادرينو 405 بينما الهيليو اكس 10 بيجي ب PowerVR G6200 و بعد بحث بين الاتنين تقريبا اداء الالعاب في الاتنين متقارب ,, كمان الاتنين بيدعموا تقيات OpenGL3.1 ..

- اما بقي البنشماركات فالاجهزة اللي شغالة بالسنابدرجون 615 بتجيب في بنشمارك انتوتو ما بين 32 ل 36 الف نقطة تقريبا .
بينما اللي بيستخدموا هيليو اكس 10 بيجيبوا من 40 ل 50 الف نقطة تقريبا علي انتوتو ..

- باقي نتكلم عن شوية حجات تانية زي معالجة الصور و الGPS و التعامل مع البطارية و قريتها .. فشركة كوالكوم بتتفوق اكيد علي شركة ميدياتك في النقط دي .. و اي حد جرب الشركتين اكيد هيبقي عارف ان الGPS ادق في كوالكوم من ميدياتك كذلك معالج الصور ..

- كمان مع ميدياتك بيظهر كتير من مشاكل عدم معايرة البطارية او ان البطارية تبقي بتدي رقم غير اللي موجود بجد .. لكن دي مش دايما ..

- رأي الشخصي ان سنابدرجون 615 افضل في المجمل لو عايز موبايل متكامل فاي حد بيشتري موبايل بيبقي عايز كاميرا كويسة و GPS دقيق و كفائة احسن ,, مش كل حاجة الاداء الاعلي ,,
لذلك شخصيا شايف ان سنابدرجون 615 افضل في المجمل ,, و هيليو اكس 10 افضل في الاداء



Previous
Next Post »

1 comments:

Click here for comments
KADER KADA
admin
12 أغسطس 2016 في 2:47 م ×

أعز الله الإسلام بشبابه

Congrats bro KADER KADA you got PERTAMAX...! hehehehe...
Reply
avatar